Leeru Bés bi — 24 Nowàmbar: Luug 8:21

Yeesu miy sellal nit ñi, moom ak ñi muy sellal, ñoo bokk lenqe, te moo tax Yeesu rusu leena woowe ay bokk. Mu ne: «Maay siiwali saw tur ci samay bokk, maa lay kañ fi digg mbooloo mi.»

Yawut ya 2:11–12

Ci Almasi Yeesu mi nu gëm, xaraf ak ñàkka xaraf, dara amu ci solo; li am solo mooy ngëm gi jëfi cofeel di firndeel.

Galasi 5:6

te samay xarit ngeen, ndegam yeena ngi def li ma leen sant.

Yowaan 15:14

Moom nag mu ne ko: «Xanaa kay, ndokkalee ñiy déglu kàddug Yàlla te di ko jëfe.»

Luug 11:28

«Du képp ku ma naan: “Sang bi, Sang bi,” mooy tàbbi ci nguurug asamaan, xanaa ñiy jëfe sama coobarey Baay ba fa asamaan.

Macë 7:21

Yeesu ne leen: «Samaw ñam moo di jëfe coobarey ki ma yónni, ba sottal ab liggéeyam.

Yowaan 4:34

Su nu nee am nanook moom jokkoog mbokk, te teewu noo wéye ag lëndëm, danuy fen, te jëfewunu dëgg.

1.Yowaan 1:6

Képp kuy jëfe kàddug Yàlla, ci moom déy la cofeelu Yàlla mate sëkk. Ci loolu lanuy xame ne moom lanu nekk.

1.Yowaan 2:5

Ndaxam moo xam fi ma jaare, te bu ma nattoo, ma génn ci ni wurus wu ñu xelli.

Ayóoba 23:10

Mu jëm ci njiital woykat yi, ñeel Daawuda, dib taalifu cant. Aji Sax ji, yaa ma natt, xam ma; yaa xam sama toogaay ak sama taxawaay, di ràññee fu sore samay xalaat, di càmbar samab dox ak sama tëraay, yittewoo lépp lu may def.

Taalifi cant 139:1–3

Fu ma jëm, ba sore la? Fu ma daw jëm, foo teewul?

Taalifi cant 139:7

Ma war laafi njël, dëkki wàllaa géej, nga tettee ma fa ba tey, téyee ma sa ndijoor.

Taalifi cant 139:9–10

Ilyaas nit la woon ku bindoo ni nun, waaye ba mu saxee ci ñaan ngir mu baña taw, ndox laalul suuf diiru ñetti at ak genn-wàll.

Yanqóoba 5:17

Ragal nit dugal sa bopp la, ku wóolu Aji Sax ji, fegu.

Kàddu yu xelu 29:25

Soo tërëfee it, doo daanu. Aji Sax jee lay walloo loxoom.

Taalifi cant 37:24

Boroom njekk day daanu juróom ñaari yoon, jógaat, ab soxor sërëx ci njekkar.

Kàddu yu xelu 24:16

Bunu tàyyi ci def lu baax, nde bu jotee rekk nooy góob, ndegam yoqiwunu.

Galasi 6:9

Teewluleen te ñaan, ngir baña tàbbi cig fiir. Xolub nit kat yebu na, yaram see néew doole.»

Macë 26:41

Ni baay yërëme doom, ni la Aji Sax ji yërëme ku ko ragal.

Taalifi cant 103:13