Leeru Bés bi — 11 Oktoobar: Taalifi cant 22:11

Mu jëm ci njiital woykat yi, dib taalifu cant, ñeel Daawuda. Céy Aji Sax ji, loo deeti xaar? Xanaa doo ma tanqamlu ba fàww? Loo deeti xaar, bañ maa geesu,

Taalifi cant 13:1–2

Sang bi, bu ma làqu, bul mer, jañax ma. Yaa ma daa wallu. Bu ma wacc, bu ma ba, yaay Yàlla mi may musal.

Taalifi cant 27:9

Mu woo ma, ma wuyu ko; mook man ci biir njàqare, ma xettali ko, darajaal ko,

Taalifi cant 91:15

Aji Sax ji, képp ku ko woo wall, mu jege la, képp ku ko woo wall te muy dëgg. Nammeelu ku ko ragal, mu sottal; yuuxam, mu dégg, musal.

Taalifi cant 145:18–19

Duma leen bàyyi ngeen tumurànke. Dinaa délsi ci yeen.

Yowaan 14:18

te ngeen jàngal leen ñu sàmm mboolem li ma leen sant. Maa ngii nag, di nekk ak yeen bés bu nekk, ba kera àddina di tukki.»

Macë 28:20

Mu jëm ci njiital woykat yi, di woy wu ñeel askanu Kore wu góor, dëppook galan bu ñuy wax Baatu jigéen.

Taalifi cant 46:1

Mu jëm ci Yedutun, njiital woykat yi, dib taalifu cant, ñeel Daawuda.

Taalifi cant 62:1

Seeni mébét, wàcce boroom daraja doŋŋ; yeena ngi bége ay fen, seeni kàddu diw yiw, seen xalaat diy saaga. Selaw.

Taalifi cant 62:5

ndax waruleena jaamu jeneen yàlla, ngir Aji Sax ji, turu “Ku fiir ki” lay wuyoo, te Yàlla ju fiir la.

Mucc ga 34:14

«Ana kuy sa moroom ci tuur yi, yaw Aji Sax ji? Kuy sa dend, yaak sa sellaay bu yéeme, sa yànjaay bu raglook sa jëf yu yéeme?

Mucc ga 15:11

Ñeenti mbindeef yi am nañu ku nekk juróom benni laaf, fees aki bët ba daj, biir ak biti, te guddi ak bëccëg duñu selaw, xanaa naan: «Kee sell, Kee sell, Kee sell, Keey Boroom bi Yàlla Aji Man ji, Kee masa nekk, Kee nekk, Keey dikk.»

Peeñu ma 4:8

Seedeelleen Aji Sax ji màggaayu turam, yékkatil kob sarax, te dikk ci kanamam. Sujjóotalleen Aji Sax ji gànjaroo sellaay.

1.Jaar-jaar ya 16:29

At ma Buur Osiyas saayee, damaa gis Boroom bi toog kaw ngàngune mu kawee kawe, lafi mbubbam fees néeg bu sell bi. Ay malaakay seraf ñoo taxaw, tiim ko, ku ci nekk am juróom benni laaf: ñaar yu muur seen kanam, ñaar yu muur seeni tànk, ak ñaar yu ñuy naawe. Ku ci nekk di àddu, naan moroom ma: «Kee sell te sell te sell, keey Aji Sax ji Boroom gàngoori xare yi, àddina sépp a feese ag leeram!»

Esayi 6:1–3

Ma ne: «Wóoy man, sànku naa! Man miy nit ku làmmiñam sobewu, xeetoo ci ñu seen làmmiñ sobewu, te samay gët tegu ci kaw Buur Aji Sax ji Boroom gàngoori xare yi.»

Esayi 6:5

Dég-dégu nopp laa amoon ci yaw, tey, bët laa la teg. Moo ma tax ne: «Waqeet, tuubi-ruubi,» ba diwoo suuf akub dóom.

Ayóoba 42:5–6

Waaye ni mu nekke moom ci boppam cig leer, su nu dee wéye noonu ag leer, su boobaa lanuy séq jokkoog mbokk, te deretu Yeesu Doomam moo nuy raxas ba nu set, tàggook bépp bàkkaar.

1.Yowaan 1:7

Sunuy baay a nu yar fan yu néew, na mu jaadoo woon ci seenum xel. Waaye sunu Baay bii, sunu njariñal bopp la nuy yare, ngir nu séddu ci sellaayam.

Yawut ya 12:10

Léegi nag bokk yi, am nanu sañ-sañu dugg ca néeg bu sella sell ba, ngir deretu Yeesu,

Yawut ya 10:19

Kon nag nanu agsee fi Yàlla xol bu dëggu ak fit wu mat sëkk wu ngëm waral, gannaaw wisees na sunum xel ndoxum setlu, ba mu tàggook bépp gàkk bu mu nu sikkale, te raggees na sunu yaram ci ndoxum setlu.

Yawut ya 10:22