Leeru Bés bi — 24 Oktoobar: Yunus 2:4

Siyoŋ a nga naa: «Aji Sax ji wacc na nu, Boroom bi fàtte na nu!» Aji Sax ji nee: «Ana jaboot juy fàtte doomam juy nàmp, mbaa muy néege ku mu jur ci biiram? Bu ko manoona fàtte it, man duma la fàtte.

Esayi 49:14–15

Jàmmi xol a ma réer, ma fàtte sax luy mbégte. Ca laa ne sama muñukaay a jeex ak it sama yaakaar ci Aji Sax ji!

Jooytu 3:17–18

Yaa tax ñu yendu noo bóom, dees noo jàppe ni xar yu ñuy tër.

Taalifi cant 44:23

Yeen askanu Yanqóoba, lu ngeen di jàmbat? Yeen Israayil laa ne, lu ngeen di jooy, naa: «Aji Sax ji gisul li nu dal, sunu Yàlla daal, daa réere sunu àq!»

Esayi 40:27

Sama xol a jóg, ma xañ la sama kanam ab diir, waaye maa lay yërëme ngor gu sax.» Aji Sax ji lay jot moo ko wax.

Esayi 54:8

Moo man, lu may xàddi, ne yogg? Lu may jàq nii? Tee maa yaakaar Yàlla, ba santati ko, moom sama Yàlla mi may wallu?

Taalifi cant 43:5

Nu nekk lees nuy tance, waaye deesu nu nappaaje. Dinanu jaaxle, waaye dunu jàq. Dees na nu bunduxataal, waaye deesu nu wacc. Dees na nu daaneel, waaye deesu nu jekkali.

2.Korent 4:8–9

Rendileen seen sarax yi war, te wóolu Aji Sax ji.

Taalifi cant 4:6

Ma ne ana lu nit di jariñoo ci doñ-doñ ak xalaatu xol yi muy doñ-doñaale fi kaw dun bi? Ndegam day yendoo tiis ak naqaru tës-tës, ba far fanaanoo xel mu dalul. Loolu it, cóolóoli neen.

Kàdduy waare 2:22–23

Ma far bañ àddina. Ndaw naqar ci jëfi kaw suuf, te lépp di cóolóoli neen ak nappum ngelaw!

Kàdduy waare 2:17

«Ñaari yoon la xeet wi ma séddoo bàkkaar: ma di bëtu ndox muy dund, ñu wacc ma, man, di gasal seen bopp kàmbi dencukaayi ndox, te kàmb yi fett, di senn.

Yeremi 2:13

Képp ku ma Baay bi jox dina ñëw, te man, ku ñëw ci man, duma ko dàq mukk.

Yowaan 6:37

Maay sottim ndox suuf su mar, ak wal yu waleg joor gu wow. Maay sotti saw askan samag noo, sama barke sottikul ñi nga meññ,

Esayi 44:3

Ndokkalee ñi xiif aka mar jëfe njekk, ndax dinañu regg.

Macë 5:6

Dib taalifu cant, ñeel Daawuda. Mooy ba mu nekkee ca màndiŋu Yuda.

Taalifi cant 63:1