Leeru Bés bi — 18 Mars: Esayi 38:14

Mu jëm ci njiital woykat yi, ànd ak xalamu juróom ñetti buum, dib taalifu cant, ñeel Daawuda. Éy Aji Sax ji, bul mer, ba di ma rëbb, bul xadaru, ba di ma mbugal. Aji Sax ji, damaa néew doole, yërëm ma! Éy Aji Sax ji, sama yaram a tas, dàmp ma! Sama xol a jeex tàkk. Aji Sax ji, loo deeti xaar nag? Éy Aji Sax ji, délsil, xettali ma! Walloo ma sa ngor. Deesul dee ba fàttaliku la; ku dugg njaniiw, nu mu lay sante? Onk naa ba loof, di fanaanee jooy, sama lal di féey, ba far seeye rongooñ. Saay gët a ngi xóot ndaxu naqar, boole ci giim ndax tooñi noonoo noon. Yeen, defkati ñaawtéef yépp, xiddileen ma! Aji Sax ji dégg na saay jooy, Aji Sax ji dégg na saay dagaan, Aji Sax jii nangu na samag ñaan.

Taalifi cant 6:1–10

Éy Aji Sax ji, bul mer, ba di ma rëbb, bul xadaru, ba di ma mbugal. Aji Sax ji, damaa néew doole, yërëm ma! Éy Aji Sax ji, sama yaram a tas, dàmp ma! Sama xol a jeex tàkk. Aji Sax ji, loo deeti xaar nag?

Taalifi cant 6:2–4

coowal noon yee ak coonob ñu bon ñi. Dañu maa teg fitna, di ma songe xadar. Sama fit a ngi rëcc, di tëf-tëfi; tiitaangey dee ne ma taral. Njàqaree ma dugg, may kat-kati, musiba mëdd ma.

Taalifi cant 55:4–6

Li leen war moo di muñ, ba sottal coobarey Yàlla, su ko defee ngeen jot li mu dige.

Yawut ya 10:36

Ña nga téen, ne jàkk asamaan, Yeesu di wéy. Ci biir loolu ñaar ñu sol yére yu weex ne seef ci seen wet. Ñu ne leen: «Yeen waa Galile, lu ngeen di taxaw nii di séentu ci asamaan? Yeesu male ñu yéegee fi seen biir, yóbbu asamaan, nii ngeen ko gise mu jëm asamaan, ni lay délsee.»

Jëf ya 1:10–11

Nun nag sunum réew a nga fa asamaan, fa nuy séentoo sunu Musalkat, Sang Yeesu Almasi bi.

Filib 3:20

Loolu lees nu digal, li feek nu ngi séentu yaakaaru mbég ma, keroog bésu peeñum sunu màggaayu Yàlla miy Yeesu Almasi bi, Musalkat bi.

Tit 2:13

«Man maay sàmm bi baax. Maa xam sama xari bopp, ñoom it ñu xam ma.

Yowaan 10:14

Teewul cëslaay lu dëgër, li Yàlla tabax, mu ngi ne kekk, te màndarga ma ca nekk, kàddu yii la: «Boroom bi xam na ki mu séddoo,» ak: «Kuy tudd turu Sang bi, na daw njubadi.»

2.Timote 2:19

Aji Sax jee baax, moo dib rawtu, bésub njàqare, te moo ràññee ñi ko làqoo.

Nawum 1:7

ne leen: «Buleen yàqagum jéeri ji ak géej gi ak garab yi, li feek torluwunu ci jëwi ñiy jaamu sunu Yàlla, màndargaale leen.»

Peeñu ma 7:3

Kooku, yeen ñi dul Yawut, ba ngeen déggee, yeen itam kàddug dëgg gi, xibaaru jàmm bi jëm ci seenug mucc, gannaaw ba ngeen gëmee, ci moom itam lañu leen màndargaale Noo gu Sell gi ñu dige woon. Noo gi moo di dawal bi nu jotagum ci sunu muur, ba kera njotug ñoñi Yàlla matee, ba nit ñi sante Yàlla màggaayam.

Efes 1:13–14

Te ki nuy saxal ci Almasi bi, nook yeen, moo nu tabbe diwu pal gi, te moo di Yàlla. Moo nu màndargaale xàmmikaayam, te moo yeb dawalub Noo gu Sell gi ci sunu biir xol.

2.Korent 1:21–22

Ku am ndam nag, maa lay def nga doon ag kenu fi sama biir néegu Yàlla, te doo fa génnati mukk. Maay bind fi sa kaw sama turu Yàlla ak sama turu dëkku Yàlla, te mooy Yerusalem gu bees, giy wàcce fa kaw, bàyyikoo fa sama Yàlla. Maay bind it fi sa kaw sama tur wu yees.

Peeñu ma 3:12

Bés yooyu Yuda dina texe, Yerusalem dëkke kaaraange, ñu di ko woowe: “Aji Sax jeey sunu njub.”»

Yeremi 33:16