Leeru Bés bi — 14 Awril: Taalifi cant 63:5–6

Yàlla, say xalaat aka maa yéem! Ndaw lim bu réy! Su ma ko doon waññ, moo ëpp feppi suuf. Maa ngii yewwu, nekk feek yaw ba tey.

Taalifi cant 139:17–18

Sa kàddooka maa neex, ba dàqal ma tem-temu lem!

Taalifi cant 119:103

Fóon maa, ngalla fóon ma, sa cofeel a ma dàqal biiñ.

Ngën-gi-woy 1:2

Ana ku ma am asamaan ku la moy? Ku ma safoo kaw suuf ku la moy?

Taalifi cant 73:25

Woy wu neex a fees sama xol, may taalifal Buur, sama làmmiñ ni xalimag bindkatu ndaanaan.

Taalifi cant 45:2

Mbete garab gu gëna neex ci gott bi, kookooy sama nijaay ci biir xale yu góor yi. May bége keppaaram, safoo doom ya. Dugal na ma néegub sago-jeex-na, yiire ma mbëggeel.

Ngën-gi-woy 2:3–4

yeel yi kenuy doj wu jafe la, sampe ci tànki wurusu ngalam. Meloom ni tundi Libaŋ, di tànnéef ni garabi seedar. Gémmiñam, bànneexi neen, jëmmam jépp jara xédd! Yeen janqi Yerusalem, sama nijaay a ngoog, samab xarit.

Ngën-gi-woy 5:15–16

Xam naa jikkoom, waaye maa koy faj, wommat ko, dëfale koy xéewal, mook ñiy ñaawloondook moom.

Esayi 57:18

«Kaayleen, nu waxtaan ba juboo,» la Aji Sax ji wax. «Li seeni bàkkaar di xonq lépp, tàll lay weexeji. Li muy xonq curr lépp, weex furr lay mujje.

Esayi 1:18

Yeen doom yu woyof kumba yi, waññikuleen, ma fajtal seen woyof kumba.» Nu ngi nii fekksi la, yaw kay yaay sunu Yàlla Aji Sax ji.

Yeremi 3:22

Éy Aji Sax ji, won nu sa ngor, baaxe nu sag wall.

Taalifi cant 85:8

Naa sant Aji Sax ji ci saa xol bii, te baña fàtte mboolem xéewalam! Moo lay baal foo ñaawe, di la wéral foo woppe.

Taalifi cant 103:2–3

leqali ma, teg ma ci yooni njub ngir teraangay turam.

Taalifi cant 23:3

Bésub keroog dees na ne: «Aji Sax ji, sant naa la; yaa ma mere woon, meddi, dëfal ma.»

Esayi 12:1

Kàttanal ma, ma raw, di yittewoo say tegtal, ba fàww.

Taalifi cant 119:117

Mennum man mii maay far say moy ngir man, ba dootuma fàttaliku bàkkaar.

Esayi 43:25