Leeru Bés bi — 3 Sàttumbar: Mucc ga 13:7

Ragal Aji Sax ji mooy bañ lu bon. Réy, xeebaate, yoonu mbon, ak wax ju jekkadi, ma boole bañ.

Kàddu yu xelu 8:13

Na seen cofeel mucc ci ngistal, seexluleen lu bon te ŋoy ci lu baax.

Room 12:9

te lu bon ak nu mu mana bindoo, dàndleen ko.

1.Tesalonig 5:22

Moytuleen balaa kenn di ñàkk yiwu Yàlla. Moytuleen bala ab reenu wextan di fëll, di lëjle, ba rax mbooloom lëmm.

Yawut ya 12:15

Su ma naroon ñaawtéef, Boroom bi du ma déglu.

Taalifi cant 66:18

Kon na ku nekk seetlu boppam, doora lekk ci mburu mi, naan ci kaas bi.

1.Korent 11:28

Teewul cëslaay lu dëgër, li Yàlla tabax, mu ngi ne kekk, te màndarga ma ca nekk, kàddu yii la: «Boroom bi xam na ki mu séddoo,» ak: «Kuy tudd turu Sang bi, na daw njubadi.»

2.Timote 2:19

Boobu sarxalkat bu mag lanu soxla: moo sell, mucc sikk, mucc sobe, moom lañu teqale ak bàkkaarkat yi ci àddina, te moom lañu kaweel ba fa tiim asamaan.

Yawut ya 7:26

Te xam ngeen ne Yeesu moo feeñ ngir far bàkkaar, te taqul fenn bàkkaar.

1.Yowaan 3:5

Waaye na jaan ja naxe woon Awa, ca pexeem, ragal naa seenum xel yàqoo noonu, ba dëddu ngëm gu dëggu te set gu ngeen ŋoye woon ci Almasi bi.

2.Korent 11:3

Li ci des nag moo di ngeen manoorewoo Boroom bi, te ngeen sàkkoo ndimbal ci dooleem ak kàttanam gi amul kem. Ràngooleen mboolem gànnaayi Yàlla, ngir ngeen mana jànkoonte ak pexey Seytaane.

Efes 6:10–11

Kon nag jëlleen gànnaayi Yàlla yépp, ba bu bésub safaan taxawee, ngeen mana jëflante, ba sottal, tey wéye taxaw temm.

Efes 6:13

Mbaxanam xare miy seen kaaraange, jëlleen ko, sol; jëlleen itam saamar bi Noo gu Sell giy joxe, te muy kàddug Yàlla.

Efes 6:17

ngir Seytaane bañ noo nax, ndax ay pexeem, umplewunu ko.

2.Korent 2:11